Taliban Amerika qırıcılarını ələ keçirdi - Böyük əməliyyatın anonsu verildi

Taliban Əfqanıstanda tərk edilmiş bir neçə Amerika təyyarəsi, helikopteri və tank əleyhinə raketləri ələ keçirib.

Teleqraf.com xəbər verir ki, bu barədə “Al Arabiya” məlumat yayıb.

Telekanalın iddiasına görə, ABŞ Müdafiə Nazirliyi (Pentaqon) Amerika silahlarının Taliban tərəfindən ələ keçirilməsindən ciddi narahatdır. Əfqanıstanda qalan ABŞ qüvvələrinin Talibanın ələ keçirdiyi texnika və silahları məhv etmək qərarına gəlmə ehtimalı da istisna edilmir.

“Hələlik Talibanın əlinə keçənləri məhv etmək üçün addımlar atmaq barədə heç bir qərar yoxdur. Çünki pilotlar və texniki xidmət olmadığı üçün Talibana vertolyot və təyyarələrdən istifadə etmək çətin ola bilər”, - məlumatda bildirilib.

ABŞ-ın yeni əməliyyata qərar vermək üçün vətəndaşlarının Əfqanıstandan çıxarılmasının tamamlanmasını gözləyəcəyi güman edilir.