Üç ölkə İranı hədələdi: “Artıq sona çatırıq, bunun üçün vaxt olmaya bilər”

Böyük Britaniya, Fransa və Almaniya yeni nüvə müqaviləsi ilə bağlı İrana xəbərdarlıq ediblər.

Teleqraf.com xəbər verir ki, üç ölkənin verdiyi birgə bəyanatda rəsmi Tehran üçün vaxtın getdikcə azaldığı bildirilib.

Bəyanatda yeni müqavilənin imzalanması üçün fürsətin olmaya biləcəyi də diqqətə çatdırılıb:

“Yeni anlaşma üçün fürsət çox azdır, çünki artıq danışıqların sonuna çatırıq. Baxmayaraq ki, bir sıra texniki məsələlər barədə irəliləyişlər var, lakin bu, sadəcə olaraq danışıqlar prosesini iyun ayında dayandırılmış nöqtəyə yaxınlaşdırıb”.