Peyvəndin effektivliyi 5 aydan sonra yarı azalır - İtaliyan alimlərindən ilginc açıqlama

Koronavirus peyvəndinin effektivliyi ikinci dozadan beş ay sonra 40%-dən çox azalır.

Teleqraf.com xəbər verir ki, bu barədə bazar günü İtaliya Ali Səhiyyə İnstitutu məlumat yayıb.

Qurumun məlumatında bildirilir ki, peyvənd dövrü başa çatdıqdan 150 gün sonra xəstəliyin qarşısının alınmasında peyvəndlərin effektivliyi 71,5%-dən 30,1%-ə qədər azalır.

Eyni zamanda, qeyd olunur ki, infeksiyaya yoluxduqda xəstəliyin ağır gedişatının qarşısının alınmasında peyvəndin effektivliyinin yüksək olaraq qalır: beş aydan az müddətdə peyvənd olunanlarda bu göstərici 92,7%, sonuncu dozanın qəbul edilməsindən 150 gündən çox vaxt keçdikdə isə 82,2%-dir.