Fransada 100 minə yaxın polis səfərbər olundu - Yeni il gecəsi üçün

Fransada Yeni il gecəsi təhlükəsizliyi 95 mindən çox polis və jandarm təmin edəcək.

Teleqraf.com xəbər verir ki, bunu ölkənin daxili işlər naziri Cerald Darmanen bildirib.

“Dekabrın 31-i axşam saatlarında 95 mindən çox polis və jandarm, o cümlədən 32 min yanğınsöndürən və mülki təhlükəsizlik işçisi səfərbər olunacaq”, - Darmanen Tvitterdə yazıb.

Polisin mühafizəyə nəzarət edəcəyi və vətəndaşlara köməklik göstərəcəyi qeyd edilir.

Daha əvvəl məlum olub ki, dekabrın 31-dən Paris küçələrində maska ​​taxmaq məcburi olacaq.