SEPAH-ın qərargahı önündə silahlı qarşıdurma - Ölənlər var

İran İslam İnqilab Keşikçiləri Korpusunun (SEPAH) Sistan-Bəlucistan əyalətinin Səravan şəhərində yerləşən kəşfiyyat qərargahı qarşısında silahlı qarşıdurma baş verib.

Teleqraf.com xəbər verir ki, olay zamanı qərargahın əməkdaşlarına atəş açan şəxs öldürülüb.

Hadisədə yaralanan başqa bir nəfərin də, yaralandıqdan sonra açılan növbəti atəşlə öldürülüb.

Bəluc fəalların yaydığı məlumata görə, öldürülən 26 yaşlı Sadiq Nəzəri adlı şəxs motosikletlə kəşfiyyat qərargahının qarşısından keçərkən oranın əməkdaşları tərəfindən təhqir edilib. Məlumatda mübahisədən sonra tərəflər arasında atışmanın başladığı deyilib.

Qərargahın əməkdaşlarına tapançadan açdığı atəşə qarşı tərəfdən 6 güllə ilə cavab verilib. Bu isə onun həyatı bahasına başa gəlib.