Ukrayna Rusiya və Belarusla sərhəddə keçid məntəqələrini bağladı

Ukraynanın Nazirlər Kabineti Rusiya və Belarusla dövlət sərhədində keçid məntəqələrinin müvəqqəti bağlanması barədə qərar qəbul edib.

Teleqraf.com-un məlumatına görə, bunu ölkənin baş naziri Denis Şmıqal açıqlayıb.

"Hökumət Rusiya və Belarusla dövlət sərhədində keçid məntəqələrini müvəqqəti bağlamaq qərarına gəlib", - deyə baş nazir bildirib.

Onun sözlərinə görə, hazırda bu ölkələrin ərazisində olan və vətənə qayıtmaq istəyən Ukrayna vətəndaşları ölkəyə maneəsiz daxil ola biləcəklər.