İrana qarşı kritik həmlə - Bölgəyə çoxlu sayda “Patriot” göndərildi

ABŞ-ın ötən ay Yəməndə İranın dəstəklədiyi husilərin hücumlarına qarşı Səudiyyə Ərəbistanına çoxlu sayda “Patriot” hava hücumundan müdafiə sistemi batareyası göndərdiyi iddia edilib.

Teleqraf.com xəbər verir ki, “Wall Street Journal”a açıqlama verən rəsmi mənbələr transferin ötən ay baş tutduğunu bildiriblər.

Mənbələr Ər-Riyadın uzun müddətdir İranın dəstəklədiyi husilərin dron və raket hücumlarına qarşı ABŞ-dan “Patriot” tələb etdiyini, amma tələbin yalnız uzunmüddətli müzakirələrdən sonra qarşılana bildiyini deyiblər.

Səudiyyə Ərəbistanına nə qədər “Patriot” batareyalarının gətirildiyi, çatdırılmanın nə vaxt və necə edildiyi barədə təfərrüatlar verilməyib.