“Bu, Ukraynanın qələbəsi olacaq” - Zelenski

Ukraynanın Rusiya ilə müharibədə qələbəsi mümkün qədər çox insanın həyatını xilas etmək olacaq.

Teleqraf.com xəbər verir ki, bunu “The Economist” nəşrinə müsahibəsində Ukrayna Prezidenti Vladimir Zelenski deyib.

“Qələbə mümkün qədər çox insanın həyatını xilas etməkdir”, - Zelenski bildirib.

Onun sözlərinə görə, bu gün Ukraynanın ən çox Qərb silahlarına ehtiyacı var:

“Bir nömrəli ehtiyacımız təyyarələrdir. İki nömrə, amma əslində bir nömrədir – tanklar”.

O, tez-tez kabinetindən çölə çıxmasının səbəbini də açıqlayıb:

“Üç-dörd gün belə çölə çıxmasam, ancaq kabinetimdə qalsam, dünyada nə baş verdiyini bilməyəcəm”.

Zelenskinin fikrincə, insanlarla dürüst olmaq çox vacibdir ki, onlar sizə inanmağa davam etsinlər:

“İnsanların sizə inanması üçün dürüst olmalısınız”.