Almaniya prezidenti koronavirusa görə Polşaya səfərini təxirə saldı

Almaniya prezidenti Frank-Valter Ştaynmayer koronavirusa yoluxması ilə əlaqədar Polşaya martın 29-da planlaşdırılan səfərini təxirə salıb.

Teleqraf.com-un məlumatına görə, bu barədə prezidentin işlər idarəsi bildirib.

Qeyd olunur ki, F.Ştaynmayerin bu gün verdiyi təkrar koronavirus testi də müsbət nəticələnib.

Xatırladaq ki, Almaniya prezidenti, eləcə də onun həyat yoldaşı martın 22-də koronavirusa yoluxmuşdu. Onların xəstəliyinin yüngül formada keçdiyi bildirilib.