Ukraynanın cənubunda güclü itkilər... - Əməliyyat Komandanlığı

Ötən gün Xerson və Nikolayev vilayətlərində düşmən işğal olunmuş mövqelərdə döyüş əməliyyatlarını davam etdirib. Cənubda Ukrayna Silahlı Qüvvələri 21 rus işğalçısını və 7 texnikanı məhv edib.

Teleqraf.com xəbər verir ki, bu barədə Ukrayna Silahlı Qüvvələrinin “Cənub” Əməliyyat Komandanlığı Facebook sosial şəbəkəsində məlumat yayıb.

Gün ərzində Xerson və Nikolayev vilayətlərində düşmən işğal olunmuş mövqelərdə döyüş əməliyyatlarını davam etdirib, amma xüsusi fəallıq nümayiş olunmayıb.

Eyni zamanda 5 raket zərbəsi endirilib və “Tornado” yaylım atəş sistemləri tətbiq olunub.

Nikolayevşçinada zenit atəşi ilə bir raket məhv edilib, digərləri isə əvvəllər dağıdılmış dəmir yolu körpüsünə düşüb. Odessa vilayətində, səhər saatlarında Belqorod-Dnestr bölgəsində hava hücumundan müdafiə qüvvələri düşmən raketini zərərsizləşdirib.

Gün ərzində düşmənin ümumi itkiləri 21 əsgər və 7 texnika olub. Eləcədə “Orlan” PUA-ları, 4 özüyeriyən haubitsa, “Qrad” reaktiv yaylım atəşi sistemi və “TOR” zenit-raket kompleksi sıradan çıxarılıb.