15 ildən sonra ilk səfər – Hulusi Akarla kritik görüş

Türkiyə müdafiə naziri Hulusi Akar BƏƏ-dən olan həmkarı Məhəmməd bin Əhməd əl-Bovardi ilə görüşüb.

Teleqraf.com xəbər verir ki, Akar ilk olaraq rəsmi səfər çərçivəsində Əbu-Dabidə Müdafiə Nazirliyinə gedib.

Əl-Bovardi tərəfindən qarşılanan Akarla görüş zamanı ikitərəfli və regional məsələlər, o cümlədən hərbi təlim sahəsində əməkdaşlıq və müdafiə sənayesi məsələləri ətrafında fikir mübadiləsi aparılıb.

BƏƏ Silahlı Qüvvələrinin baş qərargah rəisinin də iştirak etdiyi görüşə Türkiyənin Əbu-Dabidəki səfiri Tuqay Tunçer də qatılıb.

Bu, son 15-də ildə Türkiyədən müdafiə naziri səviyyəsində BƏƏ-yə ilk rəsmi səfəridir.