Ruslar iki istiqamətdə hücuma keçib: Baxmutda uğursuzluq olub

Rus ordusu Baxmut və Avdeyev bölgələrində hücum əməliyyatları aparır.

Teleqraf.com xəbər verir ki, bu barədə Ukrayna Silahlı Qüvvələri Baş Qərargahının səhər xülasəsində deyilir.

Bildirildiyinə görə, rus ordusu Soledar və Baxmutun nəzarəti üçün əlverişli şərait yaratmağa, Donetsk şəhərinin qərbində nəzarət etdiyi ərazini genişləndirməyə çalışır.

Baxmut istiqamətində düşmən Yakovlevka, Kodema, Pokrovski, Razdolevka, Verşin, Baxmut və Soledar yaxınlığındakı hərbi və mülki infrastrukturu atəşə tutub. Ruslar taktiki vəziyyəti yaxşılaşdırmaq məqsədi ilə hücuma keçib, amma bu, uğursuzluqla nəticələnib.

Avdeyev istiqamətində düşmən Peskov, Preçistovka, Şevçenko, Vladimirovka, Novobaxmutovka, Nevelskoqo, Netailovo, Krasnohorovka yaxınlığında artilleriya və tanklardan atəş açıb. Hücum hərəkətləri aparılır, döyüşlər davam edir.

Slavyan istiqamətində Boqorodiçnı, Mazanivka, Husarovka, Adamovka, Kurulka, Xrestışça, Suliqivka, Nemalenkoye və Bolşoy Komışuvax yaxınlığında top atəşi qeydə alınıb.

Kramatorsk istiqamətində Seversk, Nikolayevka, Starodubovka, Spornoe, Kryvaya Luka, Verxnekamenskoe, Hryhorovka, Serebryanka, Rayxorodok və Kaleniki ərazilərində döyüşlər davam edir.