Rus alayının rabitə qovşağı və sursat anbarı məhv edildi

Ukrayna hərbçiləri bir sutka ərzində 20 rus işğalçısını, düşmən alayının rabitə mərkəzini və daha bir sursat anbarını məhv edib.

Teleqraf.com xəbər verir ki, bu barədə Ukrayna ordusunun “Cənub” əməliyyat komandanlığının mətbuat katibi Vladislav Nazarov deyib.

“Bizim təyyarələrimiz Arxangelsk və Burhanovkada birləşmələrin və sursat anbarlarının cəmləşdiyi ərazilərə, eləcə də düşmənin Xerson və Novovoskresenskdəki hava hücumundan müdafiə sistemlərinə zərbələr endirib. Atəş tapşırıqlarının icrası zamanı raket və artilleriya bölmələri düşmənin Çkalov, Snıqırevka, Novovoskresenskdəki cəmləşməsinə zərbələr endirib”, - Nazarov bildirib.