Rus ordusunun yeni işğal cəhdi baş tutmadı – Hücum dəf edildi

Ötən sutka ərzində Ukrayna Müdafiə Qüvvələri Donetsk vilayətində üç yaşayış məntəqəsi ərazilərində rus işğalçılarının hücumlarını dəf edib.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Məlumata görə, Ukrayna ordusunun bölmələri Donetsk vilayətinin Vodyane, Kamianka və Nevelske yaşayış məntəqələri ərazilərində hücuma keçən işğalçıları dayandırıblar.

Hədəfinə çata bilməyən işğalçı ordu Donetsk vilayətinin Siversk və Preçistivka, Zaporoje vilayətinin Mali Şerbaki, Xerson vilayətinin Davidov Brid və Mala Seydeminuxa və Nikolayev vilayətinin Kobzarka şəhərlərində yaşayış məntəqələrini vurub.

Bundan başqqa, ruslar Siversk, Kupyansk, Liman, Novopavlovsk və digər istiqamətlərdə yaşayış məntəqələrini müxtəlif çaplı silahlardan atəşə tutublar.