Ağ Evdən Türkiyəyə dəstək – “Özünü qorumaq hüququ var”

Ağ Ev Milli Təhlükəsizlik Şurasının strateji kommunikasiyalar direktoru gündəlik mətbuat brifinqində Amerikanın xarici siyasəti ilə bağlı açıqlamalar verib.

Teleqraf.com xəbər verir ki, Kirbi Türkiyənin Suriyanın şimalında PKK/YPG terror təşkilatına qarşı keçirdiyi əməliyyata toxunub.

ABŞ rəsmisi Türkiyənin terror hücumlarının qurbanı olduğunu vurğulayıb.

“Türkiyənin özünü və sərhədlərini terrordan qorumaq hüququ var”, - Kirbi deyib.

Ağ Ev bundan əvvəl də Türkiyənin terror təşkilatlarına qarşı təşkil etdiyi “Pəncə-Qılınc” əməliyyatına dəstək bəyanatı vermişdi. Con Kirbi Türkiyənin cənub sərhədində terror təhlükəsi ilə üz-üzə olduğunu və özünü müdafiə etmək üçün hər cür haqqı olduğunu bəyan etmişdi.