8 Dekabr 2022 09:05
676
12 Punto 14 Punto 16 Punto 18 Punto

"2017-ci ildə dünyada ölümə bir nömrəli səbəb xərçəng olub. Xərçəngdə artım tendensiyası bu şəkildə irəliləsə, COVID-19 pandemiyası kimi xərçəng pandemiyası haqqında danışmaq mümkün ola bilər”.

Teleqraf.com xəbər verir ki, bunu Türkiyə Cərrahiyyə Dərnəyinin sədri, professor Sərdar Karaca deyib.

Professor xərçəng xəstəliyinin artması tendensiyasına diqqət çəkərək xəbərdarlıq edib:

“2030-cu ildə xərçəng xəstələrinin sayı 4 dəfə çox olacaq. 2017-ci ildə xərçəngdən ölüm halları ürək-damar xəstəliklərindən ölənlərin sayını üstələyərək birinci yerə yüksəlib. Xərçəng xəstəliyinin artmasına sənaye məhsulları ilə qidalanma və insan ömrünü uzanmasının səbəb olduğu bildirilir”.

Professor daha sonra Türkiyədəki xərçəng xəstəliyinin tendensiyası haqqında danışıb: “Qadınlarda döş xərçəngi, kişilərdə isə ağciyər xərçəngi Türkiyədə ən çox görülən xərçəng növləri arasındadır. Xərçəngdə erkən diaqnoz və müalicə üsullarında irəliləyiş olmasa, qarşıdakı illərdə xəstələrin sayı artacaq”.

Sərdar Karaca bildirib ki, dünyada onkoloji xəstəliklər artmaqda davam edir: “2007-2010-cu illər arasında baxdığımızda Ümumdünya Səhiyyə Təşkilatının məlumatlarına görə ölümlərdə ürək-damar xəstəlikləri ilk sırada idi. 2017-ci ildə onkoloji xəstəliklər, yəni xərçəng təəssüf ki, dünyada bir nömrəli ölüm səbəbi oldu. Əslində tendensiya bu şəkildə davam edərsə, xərçəng pandemiyası haqqında danışmaq mümkün ola bilər.

2030-cu ilə gəlincə xərçəng təəssüf ki, 4 dəfə artacaq. Ona görə bu gün xərçəng xəstəliyinə qarşı tədbir görməliyik. Erkən diaqnoz və müalicə üsullarının təkmilləşdirilməsinə ehtiyac var. Xərçəng yaxın 10 ildə həyatımızda böyük rol oynayacaq".

Xərçəngdə ən əhəmiyyətli müalicə üsulunun erkən diaqnoz olduğunu ifadə edən həkimin sözlərinə görə, erkən diaqnoz qoyulan xərçəng müalicə edilə bilər:

“Dünyada skrininq edilə bilən 3 növ xərçəng var. Döş, uşaqlıq və bağırsaq xərçəngi. Bu xərçənglər yoxlanıla bilər. İncələmə o deməkdir ki, yalnız risk qrupunda olanları xəstəliyi olmayanları aşkar etməklə onların 50 faizini aradan qaldıra bilərsiniz. Ölkəmizdə erkən diaqnostika üsullarında yaxşı vəziyyətdəyik. Bu gündən 2030-cu ildə xərçəng növlərini proqnozlaşdırmaq çox çətindir. Ölkəmizin adından danışsaq, döş xərçəngi qadınlar arasında birinci yerdədir".


Müəllif: Nemət