Rusların dəhşətli planı: İnsanları əsir götürür və məcbur edir ki...

Zaporojye vilayətində 500-dən çox dinc sakin Rusiya əsarətindən keçib.

Teleqraf.com xəbər verir ki, vilayətin hərbi idarəsinin rəhbəri Aleksandr Staruxun sözlərinə görə, bu insanların təxminən yarısı hələ də əsirlikdədir.

“Müharibənin doqquz ayı ərzində çoxsaylı insan hüquqlarının pozulması və zorakılıq faktları sənədləşdirilib. 573 soydaşımız Rusiya əsirliyindən keçib, 232 nəfər hələ də girovdur. Eyni zamanda, beynəlxalq təşkilatlar insan hüquqlarının pozulması ilə bağlı acizlik nümayiş etdirirlər”,- deyə o vurğulayıb.

O, həmçinin əlavə edib ki, məhbuslar arasında hakimiyyət nümayəndələri, iş adamları, müəssisə rəhbərləri var: “Oğurluğun məqsədi başqadır: qarət, əməkdaşlığa məcbur etmək”.