Baydenin komandası Obama ilə məsləhətləşmə aparır - Seçki

ABŞ prezidenti Co Baydenin müşavirləri administrasiyanın hazırkı rəhbəri ikinci müddətə namizədliyini irəli sürmək qərarına gələrsə, onun seçki kampaniyasının aparılması məsələləri üzərində işləməyə başlayıb.

Teleqraf.com xəbər verir ki, bu barədə "The Wall Street Journal" məlumat yayıb.

Co Baydenin komandası hazırda seçkiöncəsi qərargah üçün yer seçmək kimi texniki məsələləri müzakirə edir.

Yer olaraq pandemiya başlamazdan əvvəl qərargahın 2020-ci ildə yerləşdiyi Filadelfiya (Pensilvaniya) və ABŞ-ın 46-cı prezidentinin doğma şəhəri Uilmiqton (Delaver) nəzərdən keçirilir.

Müşavirlər Ağ Evin keçmiş rəhbəri Barak Obama ilə yenidən seçkilərdə iştirakın elan olunacağı tarixlə bağlı məsləhətləşmələr aparıblar.