Rusların mühüm hədəfləri vuruldu - Baş Qərargah

Ukrayna aviasiyası son 24 saat ərzində düşmənin zenit-raket kompleksləri olan mövqelərinə 3, həmçinin silah, hərbi texnika və şəxsi heyətin cəmləşdiyi ərazilərə 9 dəfə zərbə endirilib.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı bildirir.

Baş Qərargahın xülasəsinə görə, Ukrayna Müdafiə Qüvvələrinin raket və artilleriya bölmələri düşmənin radar stansiyasını, iki silah-sursat anbarını, bir komanda məntəqəsini, işğalçıların canlı qüvvəsinin cəmləşdiyi ərazini vurub.

Ukrayna əsgərləri İranın 7 “Şahed-136” kamikadze pilotsuz təyyarəsini də məhv edib.