Rusiya Ukraynaya göndərdiyi texnikanın yarısını itirib - ISW

Rusiya Ukraynadakı müharibədə xeyli texnika itkisini gizlətməyə çalışır. Tammiqyaslı işğalın başlanğıcından bəri, Rusiya hərbçiləri Ukraynada 1012 tank itirib, daha 546-sı isə Ukrayna Silahlı Qüvvələri tərəfindən ələ keçirilib. Bu, Rusiya Federasiyasının Ukraynaya göndərdiyi bütün tankların demək olar ki, yarısıdır.

Teleqraf.com xəbər verir ki, bu barədə Müharibə Araşdırmaları İnstitutu (ISW) bildirib.

Bu texnika ilə 15-dən çox zirehli alay, briqada və ya təxminən 150 batalyon taktiki qrupunu təchiz etmək üçün kifayətdir.

Qeyd edildiyi kimi, Rusiya Prezidenti Vladimir Putin Strateji Təşəbbüslər Agentliyinin Müşahidə Şurasının iclasını keçirib və quruma pilotsuz uçuş sistemlərinin istehsalının inkişafında federasiyanın subyektlərinə dəstək göstərməyi tapşırıb. Rusiya Təhlükəsizlik Şurasının sədr müavini Dmitri Medvedev fevralın 9-da Omsk vilayətindəki tank zavoduna baş çəkərək, guya Qərbin Ukraynaya yardımını artırdığı üçün müxtəlif silahların istehsalının artırılmasının vacibliyini açıqlayıb.

Analitiklər bildirirlər ki, Rusiya ordusu Ukraynanın şərqində mümkün hücumdan əvvəl genişmiqyaslı mexanikləşdirilmiş manevr müharibəsi aparmaq qabiliyyətini qorumaq üçün bu tank itkilərini tez bir zamanda doldurmalıdır. Ekspertlər qeyd edirlər ki, Medvedev, yəqin ki, Qərbin Ukraynaya yardımına cavab verməklə hasilatın artırılması zərurətinin Rusiya Federasiyasının cəbhədə ciddi itkiləri ilə bağlı olduğunu gizlətməyə çalışıb.

“Kremlin Rusiya iqtisadiyyatının geniş səfərbərliyindən yayınmaqla, Rusiyanın hərbi-sənaye bazasını tədricən uzun sürən müharibəyə hazırlamaq səyləri Rusiya ordusunun Ukraynada apardığı müharibədə hərbi texniki itkilərinin miqyası ilə bir araya sığmır", - ekspertlər vurğulayıb.