"Bu narkomana Oskar vermək lazımdır" – Zaxarova

Rusiya Xarici İşlər Nazirliyinin sözçüsü Mariya Zaxarova ABŞ Kino Akademiyasına Ukrayna Prezidenti Vladimir Zelenskiyə “Amerikanın qorxu serialında canavar roluna görə” Oskar mükafatı verilməsini təklif edib.

Teleqraf.com xəbər verir ki, Zaxarova Ukrayna liderini təhqir edərək, onu “narkoman” adlandırıb.

“Ah o alçaqlar! Zelenskinin təkcə akademiya mükafatlarının təqdimetmə mərasimində çıxışı yox, həm də onun “Amerikanın qorxu serialında baş rol” oynadığı üçün mükafat almasının vaxtı çatıb. O, Vaşinqtonu və onun “narkotik aludəçisi canavar”ını realist şəkildə təsvir edir”, - Rusiya rəsmisi bildirib.

Bundan əvvəl ABŞ Kino Akademiyası Zelenskiyə “Oskar” mükafatının təqdimetmə mərasimində videomüraciət etmək icazəsi verməkdən imtina edib.