Kənddə yaşamaq istəyənlərə 60 min dollar veriləcək

İsveçrədə kəndə köçənlərə 60 min dollar vəd edilir.

Teleqraf.com xəbər verir ki, məqsəd əhalinin sayının azalmasının qarşısını almaqdır.

Bildirilir ki, proqram Alp dağlarında 1300 metr yüksəklikdə yerləşən Albinen kəndini əhatə edir. Bu kənd tədricən yox olmaq təhlükəsi ilə üzləşir. Belə ki, bütün yerli əhali İsveçrənin digər böyük şəhərlərinə köç etməyə başlayır. 2020-ci ilin sonunda siyahıyaalma aparılarkən kənddə cəmi 243 nəfər yaşayırdısa, indi bu rəqəm daha da azdır.

Proqramda yalnız 45 yaşdan kiçik vətəndaşlar iştirak edə bilər. Köç edənlər kənddə ən azı 216 min dollar dəyərində ev tikməli və 10 il ərzində Albinendə yaşamalıdırlar, əks halda ödəniş geri qaytarılacaq.