20 Mart 2023 14:18
1 026
12 Punto 14 Punto 16 Punto 18 Punto

Rusiya Təhlükəsizlik Şurası sədrinin müavini Dmitri Medvedev Beynəlxalq Cinayətlər Məhkəməsinin (Haaqa) Prezident Vladimir Putinin həbsinə order verilməsi ilə bağlı qərarına münasibət bildirb.

Teleqraf.com xəbər verir ki, Rusiya rəsmisi BCM-in qərarının beynəlxalq hüquq üçün dəhşətli nəticələrə gətirib çıxaracağını deyib.

“Gəlin etiraf edək ki, keçmişdə də o qədər də təsirli olmayıb. Xüsusilə onun beynəlxalq strukturları. İndi ABŞ və digər ölkələrlə eyni əsaslarla BCM-də iştirak etməyən nüvə superdövlətinin prezidentini mühakimə etmək qərarına gəliblər”, - Rusiya rəsmisi bildirib.

Medvedev qeyd edib ki, bu qərar heç nəyi dəyişməyəcək:

“Bəllidir ki, onun praktiki dəyəri yoxdur, amma xatırlatdığınız üçün təşəkkür edirik. Beynəlxalq hüququn nəticələri isə dəhşətli olacaq. Bu, təməllərin, hüquq prinsiplərinin dağılmasıdır. Bütün beynəlxalq münasibətlər sistemi ağır tənəzzülə doğru gedir. Etibar dövrü bitdi”.

Təhlükəsizlik Şurası sədrinin müavini xatırladıb ki, ABŞ-ın Əfqanıstan və İraqdakı cinayətlərini araşdırmaq üçün heç nə edə bilməyəndə BCM-in gücü sıfırın altında düşmüşdü.

Onun fikrincə, Haaqa Məhkəməsinin hakimləri nüvə fövqəldövlətinə əl qaldıraraq boş yerə həvəs göstəriblər.

“Haaqa Tribunalında Şimal dənizində Rusiya gəmisindən hipersəsli “Oniks” raketinin məqsədyönlü istifadəsini təsəvvür etmək tamamilə mümkündür. Vurmaq olmaz, heyf. Məhkəmə NATO ölkələrinin əhalisi deyil, sadəcə yazıq beynəlxalq təşkilatdır, ona görə də müharibəyə başlamayacaqlar, qorxacaqlar və heç kim peşman olmayacaq”, - Medvedev hakimləri ehtiyatlı olmağa və səmaya baxmağa çağırıb.


Müəllif: Mənsur Rəğbətoğlu