Rus mediası gələcəyini yazdı – Qırğızıstan lideri isə “hələ gözləyin” mesajı verdi

Qırğızıstan Prezidenti Sadır Japarov mayın 8-9-da Rusiyaya səfər etməyi planlaşdırır.

Teleqraf.com xəbər verir ki, bu barədə TASS-a Qırğızıstan dövlət başçısının administrasiyasındakı mənbə bildirib.

“Prezident mayın 8-9-da Rusiya Federasiyasının paytaxtına səfər etməyi planlaşdırır”, - mənbə deyib.

Onun sözlərinə görə, Japarovun Moskvada Qələbə Günü ilə bağlı tədbirlərdə iştirakı, həmçinin bir sıra yüksək səviyyəli görüşləri gözlənilir.

Qırğızıstan liderinin mətbuat xidməti prezidentin Rusiyaya gözlənilən səfəri faktını təsdiqləməsə də, bunu təkzib də etməyib, bu mövzuda rəsmi açıqlamanı gözləməyi tövsiyə edib.