Lukaşenko Kremlin “yeganə səhv”ini göstərdi – Rus polkovnik bu sözünü xatırlatdı

“Rusiya Ukraynaya qarşı müharibədə bircə səhvə yol verib”.

Teleqraf.com xəbər verir ki, bunu Belarus Prezidenti Aleksandr Lukaşenko deyib.

Onun sözlərinə görə, Rusiya 2014-cü ildə Ukraynanı tam ələ keçirməyəndə “səhv” edib.

“Bəlkə də yeganə səhv odur ki, 2014-2015-ci illərdə Ukraynada nə ordu, nə də hazırlıq olanda bu məsələni həll etməmişik. Hamı bunu birtəhər sülh yolu ilə həll etmək istəyirdi. Bu müddətdə döyüşə hazır silahlı qüvvələr yaratdılar”.

Luqanskdakı separatçı qüvvələrin keçmiş liderlərindən biri, polkovnik İqor Strelkov-Qirkinin Belarus liderinə cavabı xatırlatma xarakterində olub:

“Bax belə. “Batka” 14-cü ildə açıq şəkildə Donetsk və Luqansk Xalq Respublikalarını (qondarma – red.) “quldurlar” və “separatçılar” adlandırırdı. İndi nə oldu?”