Yevgeni Priqojin o ölkəyə getdi - Son dəqiqə

“Vaqner” lideri Yevgeni Priqojinin təyyarəsi Belarusda Maçulış hərbi aerodromuna enib.

Teleqraf.com xəbər verir ki, bu barədə Belarus mətbuatı məlumat yayıb.

“Yevgeni Priqojinin biznes-jeti (RA-02795) saat 07:40-da Minsk yaxınlığındakı Maçulış hərbi aerodromuna enib”, - məlumatda deyilir.

Sonradan məlum olub ki, Rusiyadan “Maçulış”a daha bir biznes təyyarəsi gəlib. RA-02878 nömrəli “BAe 125-800B” biznes-jeti Sankt-Peterburqdan havaya qalxaraq, saat 07:58-də “Maçulış” hərbi aerodromuna enib.

İyunun 26-da Kremlin sözçüsü Dmitri Peskov Belarus Prezidenti Aleksandr Lukaşenko ilə danışıqlardan sonra qiyamçı Priqojinlə razılıq əldə olunduğunu açıqlayıb.

Onun sözlərinə görə, bu razılaşmaya əsasən, silahlı qiyamla bağlı cinayət işi dayandırılacaq, “Vaqner” döyüşçüləri öz səhra düşərgələrinə, Priqojin isə Belarusa gedəcək.