Ukraynadan uğurlu əks-hücum – Azad edilən ərazilər genişlənir

“Hücum əməliyyatı başlayandan Ukrayna Müdafiə Qüvvələri 9 yaşayış məntəqəsini azad edərək, təxminən 160 kvadratkilometr ərazini nəzarət altına alıb”.

Teleqraf.com xəbər verir ki, bunu Ukrayna Silahlı Qüvvələri Baş Qərargahının Baş Əməliyyat İdarəsinin rəis müavini, briqada generalı Aleksey Qromov deyib.

“Ümumilikdə, Müdafiə Qüvvələrinin keçirdiyi əks-hücum zamanı əməliyyat şəraiti kəskin dəyişməyib. Əməliyyat şəraiti düşmənin Donetsk vilayətinin inzibati sərhədlərini və Donetsk-Tavriya əməliyyat zonalarında əraziləri tutmaq cəhdləri ilə xarakterizə olunur. Donetsk və Tavriya əməliyyat zonalarında hücum əməliyyatı çərçivəsində ən fəal istiqamətlər Melitopol və Berdyanskdır ki, burada bölmələrimiz düşmən müdafiəsinin 7.5 km-ə qədər dərinliyinə qədər irəliləyib”, - general bildirib.

Onun sözlərinə görə, münaqişənin qaynar xəttinin uzunluğu 1200 km-i keçir:

“Üstəlik, Rusiyanın məhdud qoşun qruplaşmasını saxladığı Dnestryanı ilə sərhəd var. Buna görə də, belə bir xətt təxminən 3800 kilometr ola bilər”.