Rus ordusu Ukrayna səddini keçə bilmədi – Hücum dayandırıldı

Rusiya qoşunları Kupyan və Baxmut istiqamətində irəliləməyə çalışsalar da, məqsədlərinə nail ola bilməyiblər.

Teleqraf.com xəbər verir ki, Ukrayna Silahlı Qüvvələrinin Baş Qərargahı son sutka ərzində cəbhənin müxtəlif istiqamətlərində 34 toqquşmanın baş verdiyini açıqlayıb.

Rus ordusu Kupyan istiqamətində Nadya və Novoselivskdə uğursuz hücum əməliyyatları keçirib. Rusların Baxmut istiqamətindəki səyləri də nəticə verməyib.

Ukrayna qoşunları Rusiyanın Şaxtyor istiqamətində Staromayorsk ərazisində itirilmiş mövqelərini bərpa etmək cəhdlərinə imkan verməyib.

Ukrayna Silahlı Qüvvələri Avdiv və Marində rus qoşunlarının irəliləyişini dayandırmaqda davam edir.