Cəbhədə sıçrayış - Şəhər ətrafındakı ərazilər azad edildi

Ukraynanın qüvvələri Zaporoje vilayətinin Poloqov rayonunun Mala Tokmaçka kəndinin cənubuna və Robotinə doğru irəliləməyə nail olub.

Teleqraf.com xəbər verir ki, bu barədə Ukrayna müdafiə nazirinin müavini Anna Malyar məlumat verib.

“Bölmələrimiz Robotinin cənub-şərqində və Mala Tokmaçkanın cənubunda uğurlu olub. Düşmən Robotinin şərqində itirilmiş mövqelərini geri qaytarmağa çalışıb, amma buna nail ola bilməyib”, - Malyar vurğulayıb.

Onun sözlərinə görə, hazırda Robotində planlı döyüş əməliyyatları aparılır.

Eyni zamanda, Rusiya ordusu Kupyan, Liman, Avdiv və Marin istiqamətlərində irəliləmək cəhdlərini davam etdirir. Malyar son sutka ərzində rus ordusunun göstərilən istiqamətlərdə hücuma keçsə də, heç bir nətdə əldə etmədiyini açıqlayıb.

Malyar Ukrayna ordusunun Baxmut şəhəri istiqamətində azad etdiyi ərazinin ümumi sahəsinin 43 kvadratkilometr olduğunu bildirib.