Döyüşlər şiddətləndi – Rus ordusu beş istiqamətdə hücuma keçdi

Ukraynanın müdafiə qüvvələri cəbhə xəttinin bir neçə istiqamətində Rusiya qoşunlarının irəliləməsinin qarşısını alır.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Son sutka ərzində cəbhə xəttində 23 toqquşma baş verib.

Rusiya qüvvələri Kupyan istiqamətində Novoyeqorivka, Baxmut istiqamətində isə Veseli rayonunda uğursuz hücum əməliyyatları keçirib.

Ukrayna ordusu Avdiv ərazisində rusların hücumunu dayandırmağa müvəffəq olub. Marin və Novomixaylivka ərazilərində də rus qoşunlarının hücumunun qarşısı alınıb. Bundan əlavə, Rusiya ordusu Zaporoje istiqamətində Mala Tokmaçkada uğursuz hücum əməliyyatı keçirib.

Ukrayna ordusu Melitopol istiqamətində hücum əməliyyatını davam etdirir, azad edilmiş mövqelərdə möhkəmlənir, kəşfiyyat işi aparır.