Cəbhədə vəziyyət: Dörd istiqamətdə hücum dəf edildi

Rusiya qüvvələri son sutka ərzində 4 dörd istiqamətdə hücuma cəhd ediblər, amma heç bir nəticə əldə edə bilməyiblər.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Rus qoşunları Kupyan istiqamətində Luqansk vilayətinin Novoselivsk rayonunda uğursuz hücum əməliyyatı keçirib. Xarkov vilayətinin Kroxmalnı rayonuna aviazərbə endirilib. 15-dən çox yaşayış məntəqəsi artilleriya və minaatan zərbələrinə məruz qalıb.

Rusiya ordusu Baxmut istiqamətində Kurdyumivkada irəliləməyə cəhd göstərib. Donetsk vilayətinin Stupoçki, Bila Qora, Nyu-York qəsəbələrinə hava zərbələri endirilib, 20-dən çox yaşayış məntəqəsi artilleriyadan atəşə tutulub. Bundan əlavə, ruslar Avdiv istiqamətində Severnı rayonunda uğursuz hücum əməliyyatı keçirib.

Rusiya qüvvələrinin Marin istiqamətində Krasnoqorivkanı tutmaq səyləri nəticə verməyib. Krasnoqorivka ilə yanaşı, Kuraxov, Pobeda, Kostyantinivka, Yelizavetivka, o cümlədən 10-dan çox yaşayış məntəqəsi artilleriya atəşinə tutulub.

Eyni zamanda, Ukrayna ordusu Melitopol istiqamətində hücum əməliyyatını davam etdirir.