Cəbhədə son durum: Mövqelər və komanda məntəqəsi darmadağın edildi

Ukrayna müdafiə qüvvələri əraziləri Rusiya ordusunun işğalından azad etməkdə və ona ağır itkilər verməkdə davam edir.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Ötən gün ərzində Ukrayna hərbi aviasiyası Rusiyanın şəxsi heyəti və hərbi texnikalarının cəmləşdiyi 10 mövqeyə zərbələr endirib. Eyni zamanda, 1 komanda məntəqəsi, 3 zenit-raket kompleksi, 5 artilleriya bölməsi, 1 döyüş sursat anbarı raket qoşunlarının bölmələri, artilleriya və pilotsuz sistemlər tərəfindən vurulub.

Rus ordusu Ukraynaya qarşı müharibədə artıq 271 440 hərbçisini itirib. Son sutka ərzində 470 hərbçisi məhv edilib.

Bundan əlavə, Rusiyanın 13 tankı (4612), 4 zirehli döyüş maşını (8814), 28 artilleriya sistemi (5972), 4 müdafiə sistemi (521), 5 yaylım atəşi sistemi (774), 17 PUA (4714) və 34 nəqliyyat vasitəsini (8492) itirib.

Rus ordusunun itkiləri arasında 315 təyyarə, 316 helikopter, 1455 qanadlı raket, 20 gəmi-kater, 1 sualtı gəmi və 889 ədəd xüsusi texnika da var.