Türk aviasiyasından dəqiq zərbə: 31 hədəf məhv edildi

İraqın şimalında Qara bölgəsində keçirilən antiterror əməliyyatları ilə aralarında terrorçu rəhbərlərin də olduğu separatçıların mağaralar, bunkerlər, sığınacaqlar və anbarlar olmaqla ümumilikdə 31 hədəf məhv edilib.

Teleqraf.com xəbər verir ki, Türkiyə Müdafiə Nazirliyi PKK/KCK terror təşkilatının mövqelərinin hərbi aviasiya tərəfindən vurulduğunu açıqlayıb.

Əməliyyatlarda çoxlu sayda terrorçu zərərsizləşdirilib.

Nazirlik əməliyyatların ölkənin təhlükəsizliyini təhdid edən son terrorçu zərərsizləşdirilənə qədər davam edəcəyini bildirib.

“Əməliyyatlar zamanı mülki şəxslərə, tarixi və mədəni sərvətlərə və ətraf mühitə zərər vurmamaq üçün bütün tədbirlər görülür”, - açıqlamada deyilir.