Putin Qırğızıstana gedir

Rusiya Prezidenti Vladimir Putinin Qırğızıstana səfərinin vaxtı müəyyənləşib, hazırlıq gedir.

Teleqraf.com xəbər verir ki, bunu Rusiya prezidentinin mətbuat katibi Dmitri Peskov deyib.

“Müəyyən edilib, hazırlıq gedir. Vaxtında elan edəcəyik”, - Rusiya rəsmisi bildirib.

Qırğızıstan baş naziri Akılbek Japarov bir müddət əvvəl Putinin ölkəsinə dövlət səfərinin oktyabrın 12-də gözlənildiyini açıqlamışdı. Onun sözlərinə görə, oktyabrın 13-də MDB dövlət başçılarının sammiti, oktyabrın 25-də isə MDB və Şanxay Əməkdaşlıq Təşkilatı ölkələrinin baş nazirlərinin görüşü baş tutacaq.