19 Yanvar 2015 23:39
629

Beynəlxalq koalisiya qüvvələri İŞİD terrorçu birliyinə qarşı hava hücumlarını qüvvətləndirib. Koalisiya güclərinə məxsus hərbi təyyarələr iki gün ərzində Iraq və Suriyada “İŞİD”in mövqelərinə 26 sarsıdıcı hava zərbəsi endirib.

Teleqraf.com-un "RİA Novosti"Ⅶ agentliyinə istinadən məlumatına görə, koalisiya Suriyada terrorçuların canlı qüvvə və hərbi texnikasına zərbələr endirib. Həmçinin, Xaseke şəhərində “İŞİD”-in iki hərbi bölməsi və bir artilleriya kompleksi sıradan çıxarılıb.

İraqda koalisiya qüvvələri 7 şəhərdə “İŞİD”-in canlı qüvvəsi, həmçinin, terrorçuların binalarını və nəqliyyat vasitələrini məhv ediblər

ABŞ-ın hərbi aviasiyası 2014-cü il, avqustun 8-dən etibarən İraqda, sentyabrın 23-dən isə Suriyada “İŞİD”-in mövqelərinə hava zərbələr zəiflətməyə çalışır.

İraqdakı əməliyyatlarda Avstraliya, Belçika, Böyük Britaniya, Danimarka, Kanada, Niderland və Fransanın, Suriyada isə Bəhreyn, İordaniya, Birləşmiş Ərəb Əmirlikləri və Səudiyyə Ərəbistanının hərbi təyyarələri iştirak edir.


Müəllif:
loading...