Türkiyədə terrorçuların 70-dən çox sığınacağı məhv edildi

Türkiyədə “Qəhrəmanlar-33” antiterror əməliyyatı keçirilib.

Teleqraf.com xəbər verir ki, bu barədə Türkiyə daxili işlər naziri Əli Yerlikaya "X" sosial şəbəkəsində yazıb.

Nazir əməliyyatın 12 vilayətdə aparıldığını və terrorçuların sığınacaqlarında gizlətdikləri müxtəlif silah, sursat və partlayıcı maddələri məhv etmək məqsədi daşıdığını bildirib.

Qeyd olunub ki, əməliyyat nəticəsində 78 sığınacaq dağıdılıb və külli miqdarda tank əleyhinə silahlar, haubitsa və top mərmiləri üçün döyüş sursatı, həmçinin tank əleyhinə silahlar ələ keçirilib.