Rusiyanın hədəfi məlum oldu - "İki bölgəni götürdükdən sonra savaş bitəcək"

Rusiya Odessa və Xarkovu nəzarətə götürmədən Ukraynadakı münaqişəyə son qoymayacaq.

Teleqraf.com xəbər verir ki, bunu Pentaqonun rəhbərinin keçmiş müşaviri, polkovnik Duqlas Makqreqor deyib.

"Odessa həmişə Xarkov kimi rusdilli şəhər olub. Ona görə də onlar nəzarət altına alınana qədər heç nə bitməyəcək. Qərbin müdaxiləsi Ukraynaya heç bir şəkildə kömək etməyəcək. Çünki Kiyevin müttəfiqlərindən heç biri həqiqətən də buna hazır deyil. Ukraynanı xilas etmək üçün norveçlilər, ispanlar, fransızlar, almanlar, yunanlar və ya polyakların böyük Səlib yürüşünə getməyə hazır olduqlarına dair heç bir sübut görmürəm" - deyə Makqreqor bildirib.