Krım heç vaxt Ukraynanın olmayıb – Avropadan sensasion açıqlama

“Krım heç vaxt süni şəkildə yaradılan Ukraynanın tərkib hissəsi olmayıb”. Belə bir sensasiya xarakterli bəyanatla Çexiyanın sabiq prezidenti Vatslav Klaus çıxış edib.

Teleqraf.com-un məlumatına görə, Vatslav Klaus bu barədə Avstriyanın “Die Presse” nəşrinə müsahibəsində bildirib:

"Tamamilə aydındır ki, Krım heç vaxt Ukraynanın tərkib hissəsi deyildi, siz bunu bilirsiniz. Krım həmişə Rusiyaya aid idi".

"Mən burada faciəli heç nə görmürəm", - deyə sabiq prezident vurğulayıb. Klausun fikrincə, Krımın zəbt edilməsinin əsas səbəbi Ukrayna daxilində yaşanan hadisələrdir:

"Ukraynada baş verən daxili böhran mənim üçün əsas səbəbdir. Meydansız Krım heç bir halda zəbt olunmazdı".

Ukraynada, Klausun sözlərinə görə, post-kommunist transformasiyası praktik olaraq mümkün deyil: "Ukraynanı Mərkəzi və Şərqi Avropanın başqa ölkələriylə müqayisə etdikdə bu, uğursuzluqdur. İndiki münaqişənin səbəbi bundan ibarətdir".

Nail Cəlil