Yaxın Şərqdə gərginlik artır – Hücum gəmiləri hərəkətləndi

ABŞ Aralıq dənizinin şərqində “San Antonio” sinifli “USS Mesa Verde” hücum gəmisinə qoşulmaq üçün “USS Bataan” və “USS Carter Hall” hücum gəmilərini Qırmızı dənizdən çıxarıb.

Teleqraf.com xəbər verir ki, qərar Fələstin-İsrail münaqişəsinin gərginləşməsi ilə əlaqədar qəbul edilib. Bu barədə ABŞ-ın Avropa və Afrikadakı Hərbi Dəniz Qüvvələrinin mətbuat xidməti məlumat yayıb.

“USS Bataan” və “USS Carter Hall” Dəniz Ekspedisiya Batalyonuna məxsusdur.

ABŞ iyulda İranın bölgədəki ticarətin sərbəst axınına təhlükə yaratmaq cəhdlərinə cavab olaraq, Hörmüz boğazında “USS Bataan” və “USS Carter Hall” gəmilərini yerləşdirib.