Rus ordusundan sıçrayış: Ərazilər ələ keçirildi

Rusiya qoşunları Donetsk və Verbovoyda (Zaporoje) irəliləyib. Bütün cəbhə xəttində mövqe döyüşləri davam edir.

Teleqraf.com xəbər verir ki, bu barədə ABŞ-nin Müharibə Araşdırmaları İnstitutu (ISW) məlumat yayıb.

Son geolokasiya görüntüləri rusların Georgivkanın şərqinə doğru (Donetskdən 6 km qərb) irəlilədiyini göstərir.

Rusiya mənbələri rus qüvvələrinin Georgivkada iki kilsəni ələ keçirərək 300 metr irəlilədiyini bildirirlər. Həmin məlumatda rusların Osıkova çayının qarşı sahilinə doğru (Donetsk şəhərinin qərbi) yaxınlaşdığı da deyilir.

Mövqe döyüşləri əsasən Donetskin qərbində Marin və Georgivka, Donetskin cənub-qərbində Novomixaylovka və Pobedada gedir.

Həmçinin Rusiya ordusu Zaporoje vilayətinin qərbində və Verbovoydan qərbdə irəliləyib. Verbovoydan qərbdə və Novoprokopivkanın şimalında - Robotin yaxınlığında mövqe döyüşləri davam edir.