Rusiya qonşu ölkəyə nüvə raketləri verdi – “Qəpik-quruşa aldıq”

Belarus Prezidenti Aleksandr Lukaşenko Rusiyanın verdiyi “İskəndər” nüvə raketləri haqda danışıb.

Teleqraf.com xəbər verir ki, o, bu raketləri çox ucuz əldə etdiklərini deyib.

“Ruslara təşəkkür etmək lazımdır, bizə çox kömək edirlər. “İskəndər” kimi kompleksləri ruslardan qəpik-quruşa almışıq, halbuki başqa şeylərə görə pul ödəyirik”, - Lukaşenko bildirib.

Belarus lideri vurğulayıb ki, bu cür komplekslərin və nüvə raketlərinin sayının artması protokola əməl olunması yükünü də artırır.

Lukaşenko bundan əvvəl Rusiyanın Belarusda yerləşdirdiyi taktiki nüvə raketlərini “özününkü” adlandırmışdı.