Peterburqda Priqojinə abidə qoyuldu - Foto

Sankt-Peterburqdakı Poroxov qəbiristanlığında “Vaqner” qrupunun lideri Yevgeni Priqojinin məzarında onun şərəfinə qoyulan abidənin açılışı olub.

Teleqraf.com xəbər verir ki, mərasim Priqojinin doğum gününə həsr dilib.

“Vaqner” üzvləri abidənin önünə gül dəstələri qoyublar.

Abidəni görmək istəyənlər polis tərəfindən yoxlanılır. Məzardan birbaşa şosseyə çıxış üçün xüsusi yolun çəkilməsi nəzərdə tutulur.

Abidə mayın 29-da təqdim edilmişdi.

Yevgeni Priqojin 2023-cü ilin avqustunda vəfat edib. Avqustun 23-də Tver vilayətində təyyarəsinin qəzaya uğraması nəticəsində həyatını itirib. Həmin vaxt “Vaqner” komandiri Dmitri Utkin və daha səkkiz nəfər təyyarədə olub, heç biri sağ qalmayıb.

Hadisədən iki ay əvvəl – iyunda “Vaqner” Rusiyada hərbi qiyama cəhd etmişdi. Ukraynadan Rostov vilayətinə daxil olan vaqnerçilər Moskvaya hücum etsələr də, bir neçə kilometr qalmış bu fikirlərindən daşınmışdılar.