Böyük savaş başlayır: Ölkələr səfərbər edildi - 300 minlik ordu hazır vəziyyətə gətirildi

NATO Rusiya ilə irimiqyaslı müharibəsi baş verəcəyi təqdirdə ABŞ qoşunları və silahlarını cəbhə xəttinə yönəltmək üçün çoxsaylı quru dəhlizləri hazırlayır.

Teleqraf.com xəbər verir ki, bu barədə “The Daily Telegraph” mənbələrə istinadla məlumat yayıb.

Hazır plana əsasən, Amerika hərbçiləri beş limandan birində enəcəklər. Sonra Rusiyanın mümkün hücumuna qarşı əvvəlcədən müəyyən edilmiş logistik marşrutlar üzrə istiqamətləndiriləcəklər.

Quru dəhlizləri Qərb paytaxtlarının yaxın 20 ildə Rusiya ilə toqquşmaya hazırlaşması ilə bağlı xəbərdarlıqları fonunda hazırlanır.

NATO liderləri keçən il Vilnüsdə keçirilən sammitdə alyansı müdafiə etmək üçün 300 minlik hərbi qüvvəni yüksək hazırlıq vəziyyətində saxlamaq barədə razılığa gəldikdən sonra logistik marşrutlar əsas prioritetə ​​çevrilib.

Hazırkı planlar Amerika qoşunlarının əvvəlcə Hollandiya limanlarına enməsi, sonra Almaniyadan keçərək qatarla Polşaya çatdırılmasını nəzərdə tutur. Rusiyanın NATO məkanına müdaxiləsi halında ABŞ hərbçiləri Rotterdam limanına gələcək, sonra şərqə istiqamətləndiriləcək. Amma NATO Rusiyanın quru rabitə xətlərini kəsə bilməyəcəyinə əmin olmaq üçün digər limanlara marşrutları genişləndirmək üçün danışıqlar aparır.

Hollandiyadan daxil olan NATO qüvvələri Rusiya bombardmanları ilə vurularsa və ya Moskva qüvvələri Şimali Avropa limanlarını məhv edərsə, alyans diqqətini İtaliya, Yunanıstan və Türkiyədəki limanlara yönəldəcək.

Amerika qoşunları İtaliya limanlarına gəldikdən sonra qurudan Sloveniya və Xorvatiya vasitəsilə Ukrayna ilə həmsərhəd Macarıstana keçə bilər. Alyansın şərq cinahına çatmaq üçün Türkiyə və Yunanıstan limanlarından Bolqarıstan və Rumıniya vasitəsilə qoşunların daşınması üçün oxşar planlar var.

Balkandakı limanlar, eləcə də Norveç, İsveç və Finlandiya vasitəsilə qoşunların daşınması planları da hazırlanır.

Bu dəhlizlərdə hərbçilər yerli qaydalarla məhdudlaşdırılmayacaq və məhdudiyyətlər olmadan yükləri sərbəst daşıya biləcəklər.

Son beş il ərzində NATO Rusiya təhlükəsi ilə mübarizə aparmaq üçün qoşunların çatdırılması üçün istifadə oluna biləcək müxtəlif marşrutları müəyyən etmək məqsədilə yoxlamalar aparıb. Hollandiya, Almaniya və Baltikyanı ölkələrdəki limanlar Rusiyanın raket hücumlarına qarşı zəif hesab olunur. Hər şey bu marşrutların vaxtında gücləndirilməsi üzərində qurulub.