Kremldən Ermənistanın KTMT ilə bağlı mövqeyinə - Reaksiya

Kreml Kollektiv Təhlükəsizlik Müqaviləsi Təşkilatı (KTMT) ilə bağlı Ermənistanın mövqeyinə aydınlıq gətirəcək.

Teleqraf.com xəbər verir ki, bunu Rusiya prezidentinin sözçüsü Dmitri Peskov deyib.

“Ermənistana gəlincə, biz onlarla işləməyə davam edəcəyik. Onların KTMT ilə bağlı mövqeyini aydınlaşdıracağıq. Ümid edirik ki, istənilən halda tərəfdaşlıq və müttəfiqlik əlaqələrini qoruyub saxlayacağıq”, - deyib.

Qeyd edək ki, bundan əvvəl Ermənistanın baş naziri Nikol Paşinyan bildirib ki, KTMT-dən çıxmaq Ermənistan hakimiyyətinin növbəti addımı olacaq.