İsrail Qəzzada məktəbi vurdu - 20 dinc sakin öldü

İsrail ordusunun Qəzzanın mərkəzindəki Nuseyrat düşərgəsindəki məktəb binasına endirdiyi zərbələr nəticəsində azı 20 fələstinli həlak olub.

Teleqraf.com xəbər verir ki, bu məlumatı “Əl-Qahirə əl-İxbariyyə” telekanalı yayıb.

Məlumata görə, əksəriyyəti qadın və yeniyetmələrdən ibarət onlarla insan yaralanıb.

Binası İsrail ordusu tərəfindən vurulan məktəbə BMT-nin Yaxın Şərqdəki Fələstinli Qaçqınlara Yardım və İşlər üzrə Agentliyi nəzarət edir.

Onun ərazisində Qəzzanın digər bölgələrindən didərgin düşmüş yüzlərlə fələstinli var idi.