Fransada etiraz: Yaralılar var

Fransanın La Roşel şəhərində fermerlərin etiraz aksiyası zamanı 9 nəfər yaralanıb.

Teleqraf.com bu barədə BFMTV prokurorluğun məlumatlarına istinadən xəbər verir.

Yaralananlar arasında beş etirazçı və dörd polis əməkdaşı var. Hüquq-mühafizə orqanlarının 3 əməkdaşı molotov kokteylindən yüngül yanıq xəsarətləri alıb, digəri isə çiynindən xəsarət alıb.

Etirazlarda 6 minə yaxın insan kənd təsərrüfatı biznesində inhisarçı şirkətlərin “meqa hovuzlar” tikməsinə qarşı çıxıb. Polisin məlumatına görə, 500-ə yaxın etirazçı üzvləri yerli supermarketi dağıdan “Qara blok” radikal qruplaşmasına mənsub olub. Yeddi etirazçı saxlanılıb.

Etirazçılardan 1401 potensial təhlükəli obyektin götürüldüyü bildirilir.