Maskla Netanyahu arasında kritik görüş

Amerikalı iş adamı və milyarder İlon Mask İsrailin Baş naziri Benyamin Netanyahu ilə görüşüb.

Teleqraf.com xəbər verir ki, bu barədə Netanyahu özünün “X” sosial şəbəkə hesabında məlumat verib.

“Dünən Konqresdə çıxış etdikdən sonra Vaşinqtonda İlon Maskla görüşdüm. Biz süni intellektin imkanlarını və çətinliklərini, iqtisadiyyata və cəmiyyətə təsirini, İsraillə texnoloji əməkdaşlıq yollarını müzakirə etdik”, - Netanyahu bildirib.

Qeyd edək ki, ABŞ-də səfərdə olan Benyamin Netanyahu Amerika lideri Co Bayden və ABŞ-nin vitse-prezidenti Kamala Harrislə də görüşüb.