Tarixi abidəyə ad yazanlara yüksək məbləğdə cərimə

İtaliyada 14-cü əsrə aid Ponte Vecchio körpüsünə adlarını yazan iki alman turist yüksək məbləğdə cərimələnəcək.

Teleqraf.com xəbər verir ki, şəhərin simvollarından olan və İkinci Dünya Müharibəsi illərində belə zədələnməməsi ilə məşhur olan körpünün üzərinə qara flomasterlə adlarını yazan iki turisti polis yaxalayıb.

21 və 23 yaşlı Almaniya vətəndaşları polis bölməsinə aparılıblar.

Florensiya Bələdiyyəsi cinayət başında yaxalanan iki turistin 40 min avroya qədər cərimə olunacaqlarını açıqlayıb.