Lavrov Borreli tənqid etdi

Rusiyanın xarici işlər naziri Sergey Lavrov Avropa İttifaqının (Aİ) Xarici Əlaqələr və Təhlükəsizlik Siyasəti üzrə Ali nümayəndəsi Cozep Borrelin Ukrayna ilə bağlı “sülh formuluna” alternativ olmadığına dair fikirlərini tənqid edib.

Teleqraf.com yerli mətbuata istinadən xəbər verir ki, bəyanat Rusiya XİN-in rəsmi saytında dərc edilib.

“Bu dalana dirənişdir. Bu, Qərbdə diplomatların və siyasətçilərin intellektini əvəz edən həvəskarlıq və ya artıq dəlilikdir”, - deyə o qeyd edib.

Onun sözlərinə görə, Borrell Avropanın ən mühüm rusofobu kimi tarixdə qalmaq istəyir.

Onun sözlərinə görə, İstanbulda Rusiya və Ukrayna tərəfi üçün hərbi əməliyyatın başlamasından az sonra aparılan danışıqlarda razılığa gəlmək çox asan olub, lakin Kiyev bunu istəməyib.