Gözlənilən tufan qopdu - “Bu əlamətdir, yaxınlaşırıq”

Artıq Üçüncü Dünya Müharibəsi başlayıb. Proses 2022-ci ilin fevralında Rusiyanın Ukraynaya qarşı genişmiqyaslı təcavüzünün başlaması ilə 2014-cü ildə Krımın ələ keçirilməsi arasındakı intervalda start götürüb.

Teleqraf.com xəbər verir ki, bunu Corc Vill “Vaşinqton Post” üçün yazdığı köşəsində deyir.

O xatırladıb ki, ABŞ-ın İkinci Dünya Müharibəsində iştirakı Britaniyaya bağlı olan Şimali Atlantikanın gəmi zolaqlarında aqressiv və neytral olmayan dəniz patrulları ilə başlamışdı:

“ABŞ-ın Üçüncü Dünya Müharibəsində iştirakı isə bu həftə İsrailə müasir raket əleyhinə müdafiə sistemi və onu idarə etmək üçün 100-ə yaxın hərbçi göndərmək qərarından əvvəl başlayıb. Birləşmiş Ştatlar İsrail və Ukraynaya kəşfiyyat məlumatı və silah verir. Çünki bu ölkələr 1940-cı ildə Britaniya kimi, yaşamaq və sivilizasiyamız üçün mübarizə aparır”.

Şimali Koreyanın hərbi mühəndisləri artıq Rusiyaya ballistik raketlər buraxmağa kömək edirlər. Şimali Koreya qüvvələri artıq itki verib - Kim Çen Inın hərbçiləri Rusiya ərazisinə endirilən zərbələr zamanı məhv edilib.

“Rusiyanın qərb sərhədindən tutmuş Çinin Filippinin suverenliyinə aqressiv şəkildə təcavüz etdiyi sulara qədər, bugünkü müharibə teatrı və müharibəyə yaxın epizodlar dünyanın 24 saat qurşağından altısını əhatə edir. Dünya müharibəsinin yaxınlaşan tufanı belə görünür”, - Vill yazır.

Köşə yazarının fikrincə, ABŞ prezidentliyinə namizədlər baş verənlərə etinasız yanaşırlar.

Vill hesab edir ki, bu etinasızlıq Bayden-Harris administrasiyasının gələcəyini şübhə altına salır. Jurnalist artıq Avropada bəzi liderlərin Donald Trampı ABŞ-ın gələcək prezidenti kimi gördüklərinə eyham vurub.